22 март БМТ томонидан "Жаҳон сув куни" сифатида белгиланган. Ташкилот маълумотларига кўра: "Ўзининг қайта тикланадиган чучук сув ресурсларининг 25 фоизи ёки ундан кўпроғини йўқотган ҳудуд сув танқислиги остида деб ҳисобланади. Ҳозиргача ичимлик сув билан боғлиқ жиддий муаммоларга дуч келган ҳудудлар талайгина. Шимолий Африкада сув таъсирининг кескин даражалари қайд этилмоқда, Марказий ва Жанубий Осиёда эса сув танқислиги юқори даражада.
Жаҳон Ресурслари Институтининг 2040 йилга мўлжалланган прогнозларига кўра, "муаммо тезлашаётган урбанизация, аҳоли ўсиши, иқлим ўзгариши ва иқтисодий ривожланиш сув тизимларига босим ўтказаётгани билан боғлиқ".
Прогнозларга кўра, 2040 йилга бориб 44 та давлат сув таъсирининг ўта юқори ёки юқори даражасига дуч келади.
