"2035 йил жуда кеч": Дания бош вазири НАТОни мудофаа харажатларини тезроқ оширишга чақирди

НАТО мамлакатлари мудофаа харажатларини ЯИМнинг 3,5 фоизи даражасига 2035 йилгача эмас, балки 2030 йилгача етказишлари зарур.

Бу ҳақда Дания бош вазири Метте Фредериксен 62-Мюнхен хавфсизлик конференциясида маълум қилди, деб хабар бермоқда "РИА Новости".

"Менимча, биз келишиб олган 3,5 фоизлик кўрсаткич, афсуски, 2035 йилгача белгиланган ва бу жуда кеч. Менинг фикримча, 3,5 фоизга 2030 йилдан кечиктирмай эришиш керак. Ва эҳтимол, бу ҳам етарли бўлмас", — деди у.