2025 йилда биринчи марта 11 кун ичида Британияга ноқонуний мигрантлар келмади

2025 йилда биринчи марта Буюк Британия Ички ишлар вазирлиги 11 кун давомида Ла-Манш орқали чегарани ноқонуний кесиб ўтиш ҳолатларини қайд этмади.

Бу ҳақда Sky News хабар бермоқда.

Ички ишлар вазирлиги маълумотларига кўра, кичик қайиқда денгизни кесиб ўтишга охирги уриниш 22 октябрь куни қайд этилган. Бироқ бугунги кун учун маълумотлар ҳали эълон қилинмаган.

Ушбу танаффусга қарамай, бу йил Буюк Британияга кичик қайиқда келган муҳожирларнинг умумий сони 2024 йилдаги кўрсаткичлардан ошиб кетди.

Бугунги кунга келиб, Буюк Британияга қайиқда ноқонуний равишда 36 954 киши келган, бу кўрсаткич 2024 йилда 36 816 ва 2023 йилда 29 437 кишини ташкил этган.

Бироқ, Sky News маълумотларига кўра, 2022 йил Ла-Манш бўйлаб кичик қайиқлар орқали ўтиш бўйича рекорд йил бўлиб қолмоқда, бу йўналиш орқали Буюк Британияга 45 774 нафар муҳожир етиб келган.