Тошкент шаҳрида ўзини ДХХ ходими дея таништириб, Наманган вилоятида рўйхатдан ўтган хусусий корхона номига олиб келинган товарларни Божхона қўмитасининг Шахсий хавфсизлик бошқармасида ишловчи танишлари орқали хеч қандай муаммосиз божхона назорати ва расмийлаштирувидан ўтказиб беришни ваъда қилган фирибгар ушланди.
ДХХ ва божхона идоралари ҳамкорлигида ўтказилган тезкор тадбирда, Наманган шаҳрида яшовчи, 1985 йилда туғилган ушбу «ҳожатбарор» фуқаро корхона раҳбаридан фирибгарлик йўли билан ҳар бир юк партияси учун 500 АҚШ долларидан жами 1000 АҚШ доллари миқдоридаги пул маблағларини олган вақтида ушланди.
Аниқланишича, мазкур шахс корхонага хориждан импорт килинаётган автомобиль эҳтиёт қисмларини божхона расмийлаштирувидан тезлаштириб чиқариб бераётганлигини айтиб, корхона раҳбаридан муқаддам 1000 АҚШ доллари олган.
Ҳозирда унга нисбатан жиноят иши қўзғатилиб, тергов ҳаракатлари олиб борилмоқда.
Боғча болангиз борми? Ҳар ой 618 минг сўм ёрдам пули олишингиз мумкин!
Тошкент бозорларида арзонлаштирилган нархларда гўшт сотилиши бошланди
“Крокус Сити Холл”даги терактни амалга оширган тўрт нафар шахс айбини тан олди
