АҚШ НАТО машғулотларидаги иштирокини чеклайди(ми)?

Швециянинг Expressen газетаси манбаларга таяниб, Вашингтон НАТОдаги ҳамкорларини Европада бўлажак ҳарбий машғулотларни режалаштиришдаги иштирокини тўхтатаётгани ҳақида хабардор қилди. Ушбу қарор 2025 йилга режалаштирилган маневрларга таъсир қилмайди, лекин узоқ муддатли дастурларга таъсир қилади.

Газетанинг ёзишича, бу ҳаракат Европада ҳарбий харажатларни қисқартириш ва Хитойга қарши туриш учун уни Ҳинд-Тинч океани минтақасига йўналтириш билан боғлиқ. Бу шуни англатадики, Европа давлатлари келажакдаги машқларни мустақил равишда режалаштиришлари ёки фақат кичик Америка бўлинмаларига таяниши керак.

Шу билан бирга, АҚШ Европадаги ҳарбий иштирокини кенг миқёсда қисқартиришни кўриб чиқмоқда. Италиянинг АNSAагентлиги маълумотларига кўра, Трамп Америка контингентининг тахминан 20 фоизини, яъни 20 минг аскарни олиб чиқишни режалаштирмоқда. The Telegraph шунингдек, Германиядан Венгрияга 35 минг аскарнинг қайта жойлаштирилиши мумкинлиги ҳақида ҳам хабар берди.

Америка Қўшма Штатларидан ташқарида жами Америка ҳарбий контингенти тахминан 160 минг кишини ташкил қилади.

Бундан ташқари, NBC News Трамп НАТО низомининг алянс аъзоларини ҳужум содир бўлган тақдирда иттифоқчиларни ҳимоя қилишга мажбурловчи 5-моддасидан қисман воз кечиш масаласини кўриб чиқаётгани ҳақида хабар берди. Режага кўра, Қўшма Штатлар молиявий мудофаа бўйича мажбуриятларини бажара олмаган давлатларга хавфсизлик кафолатларини беришни тўхтатиши мумкин.