АҚШ Давлат котиби ўт очишни тўхтатиш таклифи Россия томонига етказилишини маълум қилди

Марко Рубионинг сўзларига кўра, Украина ва Қўшма Штатлар Саудия Арабистонида бўлиб ўтган музокаралар давомида "ижобий қадам" ташладилар. Давлат департаменти раҳбари энди Россиянинг розилигига умид қилаётганини қўшимча қилди.

Трампнинг миллий хавфсизлик бўйича маслаҳатчиси Майк Уолцнинг фикрича, Украина АҚШ президентининг жанговар ҳаракатларни тўхтатиш бўйича қатъий ҳаракатларини қўллаб-қувватлайди.

Аввалроқ, Зеленский кечки мурожаатида Украина АҚШнинг 30 кунлик ўт очишни тўхтатиш таклифини қабул қилгани, энди Вашингтон Россияни бунга ишонтириши кераклиги ҳақида хабар берган эдик.