Сергелидаги фожиа юзасидан ҳукумат комиссияси иш бошлади. Бу хақда Сенат раиси Танзила Нарбаева маълум килди.
"Давлатимиз Раҳбарининг топшириғига биноан ҳолат бўйича зудлик билан Ҳукумат комиссияси иш бошлади.
Ҳозирда комиссия ҳолат сабабларини ўрганиш ва талафотларни бартараф этиш, жумладан жабрланганларга ҳар тарафлама ёрдам кўрсатиш бўйича барча зарур чоралар кўрилмоқда.
Ишонамизки, тез фурсатларда ходиса оқибатлари тўлиқ бартараф этилади", деди у.
