Ўзбекистонга пул ўтказмалари ўтган йилга қараганда камайди. Бу ҳақда Марказий банк томонидан ўтказилган матбуот анжуманида маълум қилинди, дея хабар берди Sputnik мухбири.
"Ўзбекистонга 2023 йилнинг биринчи ярмида 5,2 миллиард долларлик пул ўтказмалари жўнатилди, бу ўтган йилнинг шу даврига нисбатан 21,2 фоизга камдир", деди Марказий банк раиси Мамаризо Нурмуратов.
Эслатиб ўтамиз, бугун Марказий банк бошқаруви 2023 йил 27 июлдаги йиғилишда асосий ставкани йиллик 14 фоиз даражасида ўзгаришсиз қолдириш тўғрисида қарор қабул қилди.
