Фаластин президенти Маҳмуд Аббос Туркия президенти Ражаб Тоййиб Эрдўғоннинг таклифига биноан ташриф билан Анқарага келди.
Фаластин раҳбарини пойтахтдаги Эсенбоға аеропортида Туркия ташқи ишлар вазири ўринбосари Меҳмет Камол Бозай, Фаластиннинг Анқара элчиси Фаед Мустафо ва бошқа расмий шахслар кутиб олди.
Туркия ва Фаластин раҳбарлари ўзаро муносабатлар, Исроил-Фаластин можароси фонидаги сўнгги воқеалар, минтақавий ва халқаро масалаларни муҳокама қилишлари кутилмоқда.
Ташриф доирасидаги расмий музокаралар 25-июл, сешанба кунига белгиланган.
