1–10 май кунлари асосан ёғингарчиликсиз об-ҳаво бўлиши кутилмоқда, фақат 4 май куни шимоли-ғарбий ҳудудларда, 6-7 май кунлари республиканинг қолган ҳудудларида бироз ёмғир ёғиши мумкин.
Ҳафта давомида ҳаво ҳарорати 23-28° гача пасаяди, ўн кунлик охирида эса ҳарорат яна кўтарила бошлайди.
Кейинчалик май ойининг охиригача ҳарорат кечалари 10-13° дан 17-20° гача, кундуз кунлари 22-25° дан 32-35° гача ўзгариб туриши кутилмоқда.
Аммо эсдан чиқармаслик жоизки, май ойида кучли жала ёмғирлар ёғади, бунда бир неча соат ичида ойлик ёғингарчилик меъёрининг ярмигача ёки ундан кўп қисми ёғиши кузатилади.
