Сербия президенти Вучич Россия газ қувуридаги портлашлар билан боғлиқ вазиятга изоҳ берди.
“Дунёда буни ким қилганини билмайдиган сиёсатчи йўқ, лекин ҳаммамиз ўзимиздан ‘жинни’ ясаб олганмиз ва мамлакатимиз манфаатларига зиён етказмаслик учун жим турибмиз. Лекин нима қилиш керак, бу иккиюзламачилик ҳамма жойда”, - деди Сербия президенти.
Эслатиб ўтамиз, ҳужумлар 26 сентябрь куни бирданига Россиянинг Европага экспорт қилувчи иккита газ қувури – “Шимолий оқим” ва “Шимолий оқим - 2”га уюштирилди.
Германия, Дания ва Швеция мақсадли қўпорувчиликни истисно қилмайди. Кремль воқеани халқаро террорчилик ҳаракати деб атади.
