Ўзбекистон мусулмонлари идораси рамазон ойи киришини кузатиш ҳақида маълумот берди.
Хабарга кўра, Идорада муборак рамазон ойини муносиб кутиб олиш ва Ислом дини тартиб-қоидалари асосида ойни кузатиш бўйича ишчи гуруҳ тузилган. Таниқли уламолар ва малакали мутахассислардан иборат ишчи гуруҳ Рамазон ойи киришини астрономик таҳлиллар асосида кузатиб боради. Унинг натижаларини Ўзбекистон мусулмонлари идораси Уламолар кенгашига киритади. Шундан сўнг рамазон ойи бошланиши ҳақидаги хабар Уламолар кенгаши томонидан кўриб чиқилади.
