Fitch халқаро рейтинг агентлиги Россиянинг суверен рейтинги ҳақидаги маълумотларни бундан буён эълон қилмаслигини маълум қилди.
Ташкилотнинг матбуот баёнотига кўра, бундай қарорга Украинадаги уруш туфайли Европа Иттифоқи томонидан Россияга нисбатан жорий қилинган санкциялар сабаб бўлган.
15 март куни Европа Иттифоқи санкцияларнинг тўртинчи пакетини тасдиқлади, бу бошқа тузилмалар қатори Европа кредит рейтинг агентликлари томонидан ҳар қандай рус мижозлари учун хизматлар кўрсатишни тақиқлашни назарда тутади.
