Ukraina prezidenti Vladimir Zelenskiy mamlakat havo hujumidan mudofaa tizimini mustahkamlash bo‘yicha ishlarni davom ettirish, jumladan, Germaniyada ishlab chiqarilgan qo‘shimcha IRIS‑T havo mudofaa tizimlarini (zamonaviy qisqa va o‘rta masofaga mo‘ljallangan zenit-raketa tizimlari) xarid qilish haqida ma’lum qildi.
Bu haqda Zelenskiy ijtimoiy tarmoqlarda yozdi.
"Germaniya vise-kansleri va moliya vaziri Lars Klingbeylni Kiyevga birinchi tashrifi bilan qutlaganimdan xursandman. Biz havo mudofaasini kuchaytirish, Ukraina dronlarini ishlab chiqarishni moliyalashtirish va PURL dasturining mamlakatimiz uchun Amerika qurollarini sotib olish imkoniyatlarini muhokama qildik. Ikkita qo‘shimcha Patriot tizimini sotib olish, shuningdek, Germaniyaning qo‘shimcha havodan mudofaa tizimlarini yetkazib berish bo‘yicha ishlar davom etmoqda", dedi u.
Tomonlar Rossiyaga qarshi sanksiyalarni kuchaytirish va xavfsizlik kafolatlarini muhokama qilishgan. Tegishli diplomatik ish, jumladan, milliy xavfsizlik maslahatchilari darajasida ham davom etmoqda.
Zelenskiy Germaniyaga Ukrainani qo‘llab-quvvatlagani va Rossiya bilan mojaro boshlanganidan beri Yevropa davlatlari orasida ko‘rsatilgan eng katta yordam uchun minnatdorchilik bildirdi.
Keyingi 5 yil ichida boshlanishi mumkin bo‘lgan 5 ta urush
AQSh Kongressiga nomzod Valentina Gomes Qur’onni yoqib yubordi
Hindiston tashqi ishlar vaziri G‘arbni "agar yoqmasa" neftni sotib olmaslikka chaqirdi
