Zelenskiy: "Otishmani to‘xtating — saylovlar o‘tkaziladi"

Vladimir Zelenskiy agar AQSh ikki-uch oy davomida o‘t ochishni to‘xtatishni ta’minlab bersa, Kiyev saylovlar o‘tkazishga tayyor ekanligini ma’lum qildi.

Bu haqda u Myunxen xavfsizlik konferensiyasida gapirib o‘tdi.

"AQSh prezidenti Donald Tramp Rossiya prezidenti Vladimir Putinga bosim o‘tkazishi, o‘t ochishni to‘xtatishni ta’minlashi mumkin va shunda parlamentimiz qonunni o‘zgartiradi hamda biz saylovlarga boramiz. Agar amerikaliklarga Ukrainada saylovlar kerak bo‘lsa va agar rossiyaliklarga Ukrainada saylovlar kerak bo‘lsa, biz bunga ochiqmiz", — dedi Zelenskiy.