Зеленский: "Отишмани тўхтатинг — сайловлар ўтказилади"

Владимир Зеленский агар АҚШ икки-уч ой давомида ўт очишни тўхтатишни таъминлаб берса, Киев сайловлар ўтказишга тайёр эканлигини маълум қилди.

Бу ҳақда у Мюнхен хавфсизлик конференциясида гапириб ўтди.

"АҚШ президенти Дональд Трамп Россия президенти Владимир Путинга босим ўтказиши, ўт очишни тўхтатишни таъминлаши мумкин ва шунда парламентимиз қонунни ўзгартиради ҳамда биз сайловларга борамиз. Агар америкаликларга Украинада сайловлар керак бўлса ва агар россияликларга Украинада сайловлар керак бўлса, биз бунга очиқмиз", — деди Зеленский.