Zelenskiy: "Korrupsiyaga qarshi infratuzilma "Rossiya ta’sirisiz" ishlaydi"

Ukraina prezidenti Vladimir Zelenskiy korrupsiyaga qarshi infratuzilma Rossiyaning ta’sirisiz ishlashini aytdi.

Bu haqda davlat rahbarining kechki murojaatida aytildi.

"Men NABU rahbari Semen Krivonos, SAP prokurori Aleksandr Klimenko, Bosh prokuror Ruslan Kravchenko, Ukraina Xavfsizlik xizmati rahbari Vasil Malyuk bilan turli muammolar bo‘yicha gaplashdim. Biz bularning barchasini muhokama qildik. Korrupsiyaga qarshi infratuzilma ishlaydi. Faqat Rossiya ta’sirisiz - hamma narsadan tozalanishi kerak", - deydi u.

Zelenskiyning qo‘shimcha qilishicha, Korrupsiyaga qarshi kurashish milliy byurosi (NABU) ham, korrupsiyaga qarshi ixtisoslashtirilgan prokuratura (SAP) ham ishlaydi. Uning so‘zlariga ko‘ra, Bosh prokuror “Ukraina haqiqatan ham qonunga zid bo‘lganlar uchun jazo muqarrarligini ta’minlashga qaror qilgan”.

Eslatib o‘tamiz, 22 iyul kuni Oliy Rada Bosh prokuraturaga NABU va SAP ishi bo‘yicha vakolatlar beradigan qonunni qabul qildi. 263 deputat “yoqlab” ovoz berdi.