Ukraina prezidenti Vladimir Zelenskiy Rossiya havo hududidan foydalanayotgan aviakompaniyalar va sug‘urta kompaniyalarini Rossiya osmonidagi xavf ortib borayotganidan ogohlantirdi.
Zelenskiyning aytishicha, Rossiya havo hududida dronlar tobora ko‘payib, fuqarolik aviasiyasi uchun xavf tug‘dirishi mumkin.
«Bugun biz Rossiya havo hududidan foydalanayotgan har bir aviakompaniyani, har bir sug‘urta kompaniyasini va hali ham Rossiyaning asosiy aeroportlaridan foydalanayotgan har bir kishini ogohlantirmoqchimiz: Rossiya osmoni tobora xavfli bo‘lib bormoqda», — deb yozdi Zelenskiy Telegram'da.
Ukraina prezidenti Kiyev fuqarolik aviasiyasi uchun tahdid emasligini ta’kidlab, Rossiyadagi dronlar faoliyati aviasiya xavfsizligi nuqtayi nazaridan hisobga olinishi kerakligini bildirdi.
Uning so‘zlariga ko‘ra, Rossiya rasmiylari bu haqda to‘liq ma’lumot bermasa ham, mamlakatdagi urush oqibatida Rossiya havo hududidan foydalanish tobora xavfli tus olmoqda.
Zelenskiy, ayniqsa, Moskva, Sankt-Peterburg va Rossiyaning boshqa yirik shaharlariga parvozlarni amalga oshirayotgan aviakompaniyalarni ehtiyotkorlikka chaqirdi.
«Rossiya osmonida xavfsiz davrlar tugadi», — dedi Ukraina rahbari.
Uning ta’kidlashicha, Ukraina Tashqi ishlar vazirligi va tegishli idoralar Rossiya havo hududidagi xavflar haqida xalqaro tashkilotlarga to‘liq ma’lumot taqdim etadi.
Zelenskiy, shuningdek, Ukrainada va Moskvada faoliyat yuritayotgan xorijiy diplomatlarni ushbu ma’lumotlarni o‘z mamlakatlari poytaxtlariga yetkazishga chaqirdi.
Toshkent davlat yuridik universitetida kontrakt narxlari keskin oshdi
“Agar men prezident bo‘lmaganimda, Isroil ham bo‘lmas edi”
Moskvaga yashirin tashrif: AQSh bosh josusi Putinga qanday xabar keltirdi?
