Yurtimizning ayrim hududlariga sel kelishi kutilmoqda

16–17 fevral kunlari kutilayotgan yomg‘irlar sababli respublikaning tog‘ oldi va tog‘li hududlarida sel-suv toshqinlari yuzaga kelishi mumkin.

Qashqadaryo, Surxondaryo, Samarqand, Navoiy, Jizzax, Toshkent, Namangan, Farg‘ona va Andijon viloyatlarining qator tumanlari hamda ayrim shaharlariga sel kelish xavfi bor. Tog‘ oldi va tog‘li hududlarda yashovchi fuqarolar, dam oluvchilar va haydovchilardan ehtiyotkorlik choralarini ko‘rish so‘raladi.

Ayrim hududlarda yomg‘ir suvlari to‘planib, suv bosish holatlari kuzatilishi mumkin.