Yun Sok Yolga impichment muvaffaqiyatli amalga oshirildi, endi nima bo‘ladi?

Janubiy Koreya prezidenti Yun Suk Yolga impichment e’lon qilindi.

Jami 204 deputat taklifni qo‘llab-quvvatlash uchun ovoz berdi, dedi spiker.

Shu bilan birga, 85 deputat bu taklifga qarshi ovoz berdi, uch nafari esa betaraf qoldi. Yana sakkizta ovoz bekor qilindi.

Ovoz berishda parlamentning barcha 300 a’zosi ishtirok etdi. Bu Yunning hukmron Xalq kuchi partiyasi a’zolari o‘tgan hafta birinchi impichment ovoz berishdan chiqib ketganidan keyin sodir bo‘ldi.

Endi nima bo‘ladi?

Impichment hujjati nusxalari Yun va Konstitusiyaviy sudga topshirilgach, uning prezidentlik vakolatlari va vazifalari to‘xtatiladi.

Endi sudda Yunning siyosiy taqdirini hal qilish uchun 180 kun bor.

Ayni paytda bosh vazir Xan Dak Su Janubiy Koreya prezidenti vazifasini bajaruvchi bo‘ldi.

Parlament spikeri Vu Von Shik hukumat va parlamentni iqtisodiyot va tashqi aloqalarni barqarorlashtirish uchun hamkorlik qilishga chaqirdi.

Moliya vaziri Choy Sang-mok yakshanba kuni iqtisodiyot bo‘yicha favqulodda yig‘ilish o‘tkazadi.