2025 yil 24 yanvarda Oliy Majlis Senatining navbatdagi yalpi majlisi bo‘lib o‘tdi.
Majlisda “Yo‘l harakati xavfsizligi tizimi takomillashtirilishi munosabati bilan O‘zbekiston Respublikasining Jinoyat, Jinoyat-prosessual kodekslariga hamda O‘zbekiston Respublikasining Ma’muriy javobgarlik to‘g‘risidagi kodeksiga qo‘shimcha va o‘zgartirishlar kiritish haqida”gi Qonun ko‘rib chiqildi.
Mazkur Qonun 2024 yil 16 avgustda o‘tgan chaqiriq Senatning 55-yalpi majlisida ham ko‘rilgandi. Avvalgi muhokamalar jarayonida senatorlar mamlakatimizda so‘nggi yillarda yo‘l harakati ishtirokchilarining tegishli qoidalarga rioya etish madaniyatini oshirish, haydovchilarni tayyorlash va qayta tayyorlash takomillashtirish bo‘yicha ko‘rilayotgan chora-tadbirlarga qaramasdan, respublika hududida yo‘l-transport hodisalari sodir etilayotgani va buning natijasida fuqarolarning hayoti va sog‘ligiga jiddiy ziyon yetayotganligi haqida o‘z fikrlarini bildirgandi.
Yakunda YPX xodimlarini foto va video tasvirga tushirish huquqi saqlab qolindi!
