Yong‘in ichida qolgan Isroil Fransiyaning yordamiga rad javob berdi

Bugun, 1 may kuni Isroilga bir necha davlatdan o‘t o‘chirish samolyotlari kelishi kutilmoqda. O‘rmon yong‘inlarini o‘chirishda yordam ko‘rsatish haqida bir kun avval kelishib olindi.

Xabarlarga ko‘ra, Kipr Isroilga Bell 412 vertolyotini yubormoqda, uning Xasorga yetib borishi kunduzi kutilmoqda. Canadair CL 415 amfibiya samolyoti Xorvatiya va Italiyadan ham kelishi kutilmoqda, deb xabar beradi newsru.co.il.

Isroil Tashqi ishlar vazirligi Fransiyaga bu davlatdan hech qanday yordam talab qilinmasligini ma’lum qildi. Avvalroq Parij Isroilga ikkita Canadair CL-415 amfibiya samolyotini jo‘natmoqchi edi.