Yaponiyaning yangi Bosh vaziri ham Kim Chen In bilan uchrashmoqchi

Yaponiyaning yangi Bosh vaziri Sigeru Isiba Shimoliy Koreya razvedkasi tomonidan o‘g‘irlab ketilgan Yaponiya fuqarolari muammosini hal qilish uchun KXDR yetakchisi Kim Chen In bilan uchrashishga tayyorligini bildirdi. Bu haqda u o‘g‘irlanganlarning oilalari bilan uchrashuvda ma’lum qildi.

2002 yilda Pxenyan birinchi marta 13 nafar yapon fuqarosi o‘g‘irlanganini tan oldi va ulardan 5 nafariga o‘z vataniga qaytishga ruxsat berdi. Qolganlari o‘lgan deb e’lon qilindi, qoldiqlari qarindoshlariga jo‘natildi, ularning haqiqiyligini tasdiqlab bo‘lmagan.