Yaponiya bosh vaziri Fumio Kisida hozirda Ukrainaga jo‘nab ketmoqda va u yerda 21 mart kuni Ukraina yetakchisi Vladimir Zelenskiy bilan uchrashishi mumkin.
Bu haqda manbalarga tayanib NHK xabar bermoqda.
Qayd etilishicha, u rasmiy tashrif bilan bo‘lgan Hindistondan Yaponiya vaqti bilan seshanba kuni tushdan keyin uchib, Yaponiyaga qaytishi kerak edi. Ammo Kisida allaqachon Hindistonni tark etib, Ukrainaga yo‘l olgan.
U 21 mart kuni Zelenskiy bilan uchrashishi kutilmoqda.