Kanadaning Selmon-Arm shahridagi cherkovda otishma sodir bo‘ldi, deya xabar beradi TASS .
Hodisa cherkovda diniy marosim vaqtida sodir bo‘lgan. 25 yoshar erkak xonaga kirib, bir necha marta ikki kishiga qarata o‘q uzgan. Ulardan biri halok bo‘lgan, ikkinchisi kasalxonaga yotqizilgan. Polisiya erkakni qo‘lga olgan. Uning ismi oshkor qilinmayapti.
Dastlabki ma’lumotlarga ko‘ra, polisiya sodir bo‘lgan hodisada diniy sabablar ko‘rmayapti.
Selmon-Arm Britaniya Kolumbiya eng yirik shahri Vankuverdan taxminan 460 kilometr shimoli-sharqda joylashgan.