O‘zbekiston kubogi guruh bosqich 3-turidan o‘rin olgan "Mash’al" - "Aral Akademiya" va OKMK - "Buxoro" uchrashuvlari yakunlandi.
Muborakda kechgan bahsda "Mash’al" yirik 8:0 hisobida zafar quchdi. Olmaliqdagi o‘yinda esa tomonlar 2:2 hisobida durang o‘ynadi. Qo‘shib berilgan daqiqaning so‘nggisida "Buxoro" darvozaboni Shirinboy Abdullayev gol urib, muvozanatni tikladi.
Shu tariqa, 7 ochkosi bor "Mash’al" va 5 ochko to‘plagan "Buxoro" pley-offga yo‘l oldi. OKMK va "Aral Akademiya" guruhda qolib ketdi.