Xyustondagi otishmada ikki o‘smir halok bo‘ldi

Texasning Xyuston shahrida ziyofat chog‘ida yuz bergan otishmada kamida ikki o‘smir halok bo‘ldi, to‘rt nafari yaralandi.

Bu haqda Associated Press mahalliy polisiyaga tayanib xabar berdi.

Uning so‘zlariga ko‘ra, ziyofatda noma’lum erkak o‘t ochgan. Natijada 16 yoshli o‘smir voqea joyida vafot etgan, yana besh nafari kasalxonaga yetkazilgan, u yerda bir jabrlanuvchi, 14 yoshli qiz olgan jarohatlaridan vafot etgan. Qayd etilishicha, jabrlanganlardan birining ahvoli og‘ir.

Polisiya surishtiruv ishlarini davom ettirmoqda, biroq jinoyatning maqsadi va shaxsi haqida hech qanday ma’lumot berilmagan.