Eron oliy rahnamosi Oyatulloh Ali Xomanaiy barcha islomiy mamlakatlarni Isroil bilan siyosiy munosabatlarni cheklashga va u bilan iqtisodiy aloqalarni uzishga chaqirdi. Bu haqda u Tehronda bo‘lib o‘tgan «Islom birligi» xalqaro konferensiyasida ma’lum qildi. Xomanaiyning so‘zlarini uning matbuot xizmati keltirmoqda.
«Bugun sionistik rejim uyatsiz va ochiqdan-ochiq jinoyatlar sodir etmoqda», dedi Xomanaiy Isroilning G‘azo sektori va G‘arbiy Sohildagi qirg‘ini hamda Livan va Suriyadagi hujumlariga to‘xtalib.
Uning fikricha, Isroil bu jinoyatlarni sodir etishda davom etmoqda, chunki islom jamoasi «ichki kuchidan foydalanmaydi». «Islom olami sionistik rejim bilan siyosiy aloqalarni cheklab qo‘yishi, matbuotda unga nisbatan bosimni kuchaytirishi va mazlum Falastin xalqi tomonida qat’iy ekanini ochiq ko‘rsatishi kerak», - deya qo‘shimcha qildi Xomanaiy.
Birinchi qadam sifatida Eron oliy rahbari islomiy mamlakatlarni Isroil bilan «iqtisodiy aloqalarni butunlay uzishga» chaqirdi.
Britaniya rekord miqdordagi askarini yo‘qotdi
AQSh Ukrainaning Rossiya hujumini to‘xtata olmasligini e’lon qildi
G‘arb Rossiyaning Ukrainadagi g‘alaba yo‘lini e’lon qildi
