Xitoyning Shinjon-Uyg‘ur avtonom viloyatida Markaziy Osiyoga yuk tashish markazi ochildi.
"Xalqaro TIR sertifikatiga ega bo‘lgan ushbu logistika markazi Markaziy Osiyo davlatlari va Yevropa bilan transchegaraviy savdoni rivojlantirishni maqsad qilgan. Yangi markaz bojxona rasmiylashtiruv jarayonlarini 30%, transport xarajatlarini 15 %ga qisqartirishi kutilmoqda", - deb xabar qildi Qashg‘ar bojxona xizmati.
TIR – bu BMT konvensiyalariga asoslangan xalqaro transchegaraviy yuk tashish sohasida bojxona tartib-taomillarini soddalashtirishga qaratilgan global tizim. Xitoy TIRga 2016 yilda qo‘shilgan.
