Xitoydagi davlat kompaniyalari, shuningdek, Xitoyning sakkiz provinsiyasidagi Xitoy hukumati tomonidan qo‘llab-quvvatlanadigan tashkilotlar o‘z xodimlarining ish joyida Apple va boshqa xorijiy qurilmalardan foydalanishini taqiqladi.
Bu haqda Bloomberg manbalarga tayanib xabar bermoqda.
Qayd etilishicha, taqiq, xususan, iPhone va Samsung smartfonlaridan foydalanishga kiritilgan.
Agentlik ma’lumotlariga ko‘ra, tashkilotlar xodimlarga mahalliy ishlab chiqaruvchilarning uskunalaridan foydalanishni tavsiya qilgan.
