Buyuk Britaniyada 5 milliard funt sterlinglik kriptovalyuta firibgarlik sxemasini tashkil etganlikda ayblanayotgan Xitoyda tug‘ilgan Szyan Chjimin o‘zining so‘nggi kripto-hisob raqamlarida saqlangan 67 million funt sterlingni London polisiyasiga topshirishga rozilik berdi.
Bu haqda The Times nashriga tayanib Report xabar berdi.
Ma’lumotlarga ko‘ra, ushbu hisoblar parollari saqlangan flesh-disk polisiya tomonidan ayolning taytisining yashirin cho‘ntagidan tintuv vaqtida topilgan.
Szyan Chjimin 2024 yil aprel oyida London polisiyasi tomonidan yuqori qiymatli Britaniya ko‘chmas mulki bilan bog‘liq shubhali operasiyalar doirasida hibsga olingan. Terguv davomida u 2014–2017 yillarda Xitoyda investorlardan o‘g‘irlangan mablag‘larni yuvish sxemasini tashkil etgan firibgar ekani aniqlangan.
U va uning sheriklari o‘g‘irlangan mablag‘larni kriptovalyutaga aylantirib, soxta hujjatlar yordamida Buyuk Britaniyaga kelgan.
Uning hibsga olinishidan keyin polisiya 5,1 milliard funt sterlinglik kripto-aktivlarni musodara qilgan. Keyinchalik u 3,1 million funt sterlinglik qo‘shimcha aktivlarni ham huquqni muhofaza qiluvchi organlarga topshirishga rozi bo‘lgan.
Endi esa firibgar 67 million funt sterlingni o‘z ichiga olgan so‘nggi kripto-hisob raqamlarining parollarini polisiyaga berdi.
Yangilangan Cobalt'ning narxi e’lon qilindi
Dunyodagi eng qashshoq davlatlar
Erdo‘g‘an turkiy xalqlar, jumladan o‘zbeklarning hayotini yengillashtirmoqchi
