Xitoy yadroviy qurolsizlanish masalasida AQSh va Rossiya orasidagi muzokaralarga qo‘shilish niyatida emas. Bu haqda Xitoy Tashqi ishlar vazirligi matbuot kotibi Guo Jiakun ma’lum qildi, deya xabar bermoqda Report agentligi Reutersga tayanib.
«Xitoyning yadroviy salohiyati Qo‘shma Shtatlar bilan bir darajaga chiqmaydi Xitoyning AQSh va Rossiya o‘rtasidagi yadroviy quralsizlanish bo‘yicha muzokaralarga qo‘shilishi talabi ma’nosiz va real emas», – dedi u.
Guo Jiakunning ta’kidlashicha, Xitoy «birinchi bo‘lib yadroviy qurol ishlatmaslik» siyosatiga amal qiladi hamda yadroviy kuchlarni har doim milliy xavfsizlik uchun zarur bo‘lgan minimal darajada ushlab turadi. Shuningdek, mamlakat uchinchi davlatlar bilan qurollanish poygasiga kirishmaydi.
Uning qayd etishicha, dunyodagi eng yirik yadroviy arsenalga ega davlatlar o‘z majburiyatlarini bajarib, yadroviy qurolni qisqartirish yo‘lida harakat qilishi shart.
Eslatib o‘tamiz, AQSh prezidenti Donald Tramp dushanba kuni Rossiya rahbari Vladimir Putin bilan Alyaskadagi uchrashuvida yadroviy arsenallarni qisqartirish masalasini ko‘targanini ma’lum qilgan edi. Uning so‘zlariga ko‘ra, u bu jarayonga Xitoyning ham jalb etilishini qo‘llab-quvvatlaydi.
Maktablarda 1 sentyabrdan smartfondan foydalanish taqiqlanadi
Keyingi 5 yil ichida boshlanishi mumkin bo‘lgan 5 ta urush
AQSh Kongressiga nomzod Valentina Gomes Qur’onni yoqib yubordi
