Oliy ta’lim, fan va innovasiyalar vaziri Qo‘ng‘ratbay Sharipov va Xitoyning Shinjon-Uyg‘ur avtonom rayoni hukumati raisi Erkin Tuniyaz o‘zbekistonlik talabalarga Xitoy oliy o‘quv yurtlarida o‘qish uchun stipendiyalar ajratish bo‘yicha kelishuvni imzoladi, deb yozadi «Podrobno».
Xitoy tomoni har yili noyabr oyining oxirigacha oliy o‘quv yurtlari ro‘yxati va o‘zbekistonlik abituriyentlarni qabul qilish shartlarini taqdim etadi. O‘zbekiston Oliy ta’lim vazirligi o‘z navbatida tavsiya etilgan talabalar ro‘yxatini tuzadi.
Xitoyda o‘qish uchun talabalar xitoy tilini bilish darajasini ko‘rsatishlari kerak. Agar kerak bo‘lsa, talabalar til kurslari bilan ta’minlanadi.
Grantlar o‘qish, ijara, sug‘urta, shu jumladan tibbiy va ba’zi yashash xarajatlarini qoplaydi.
