Xitoy Tashqi ishlar vazirligi matbuot kotibi Van Venbin NATOni Pekinga qarshi asossiz ayblovlarni bas qilishga chaqirdi.
“Biz NATOni Xitoyga qarshi asossiz ayblovlar va provokasion bayonotlarni to‘xtatishga, “sovuq urush” mentalitetining noto‘g‘ri konsepsiyasidan va mutlaq xavfsizlikka intilishdagi noto‘g‘ri yondashuvdan voz kechishga chaqiramiz”, — deya uning so‘zlaridan iqtibos keltirgan RIA Novosti.
NATO bayonotida aytilishicha, Moskva va Pekin o‘rtasidagi hamkorlikni chuqurlashtirish alyans manfaatlariga ziddir.
