Xitoy AQSh tariflariga javob tariqasida chora ko‘rmoqda, dunyo esa savdo urushiga tayyorlanmoqda

Xitoy AQShga qarshi bojlar bilan javob bermoqda.

Xitoy AQSh importiga qarshi bojlar joriy etdi, bular prezident Donald Tramp Xitoy tovarlariga 10 foizlik soliq belgilaganidan so‘ng 10 fevraldan kuchga kiradi.

Meksika prezidenti Klaudiya Sheynbaum va Kanada bosh vaziri Jastin Tryudo Tramp bilan kelishuvga erishilgach, AQSh tariflari 30 kunga to‘xtatilganini e’lon qildilar.

Meksika va Kanada rahbarlari narkotik moddalar savdosi va noqonuniy migrasiyaga qarshi kurashish uchun AQSh bilan chegaralariga minglab polisiyachilarni yuborishga kelishib oldi.

Tramp ma’muriyati agentlikni yopishga kirishgani sababli AQSh Xalqaro taraqqiyot agentligi (USAID) xodimlarini Vashington markazidagi bosh qarorgohidan tashqariga chiqarib yubordi.

Demokrat qonun chiqaruvchilar milliarder Ilon Maskning AQSh federal hukumatining asosiy idoralarida, jumladan, G‘aznachilik va USAIDda amalga oshirilayotgan keng ko‘lamli o‘zgarishlardagi rolining qonuniyligi haqida shubha bildirdilar.

Vashingtondagi sudya Trampning AQSh federal hukumatining trillionlab mablag‘larini muzlatish rejasini to‘xtatish haqidagi buyrug‘ini uzaytirdi.