Xavi «Bayer»ni boshqarishni rad etdi

Xavi "Bayer" murabbiyi bo‘lishdan bosh tortdi.

Avvalroq, Bundesliga klubi ikki turdan so‘ng Erik ten Xagni iste’foga chiqargan edi. "Bayer"ning short-listidan "Barselona" sobiq murabbiyi Xavi o‘rin olgani xabar qilingandi.

Marca xabariga ko‘ra, Xavi taklifni rad etgan. Ispaniyalik murabbiyning qaroriga jamoaning beqaror holati ta’sir qildi.

"Bayer" Xabi Alonso "Real"ga ketganidan so‘ng darhol Xavini tayinlamoqchi edi, ammo o‘shanda ham murabbiy rad javobini bergandi.