XAMAS uzoq muddatli o‘t ochishni to‘xtatish va Isroil qo‘shinlarini qamaldagi anklavdan to‘liq olib chiqib ketish uchun G‘azo sektorida qolgan barcha mahbuslarni zudlik bilan ozod qilishni taklif qildi.
XAMAS vakili Xazem Qosim o‘t ochishni to‘xtatish kelishuvining ikkinchi bosqichi bo‘yicha o‘z fikrlarini bildirdi, deb xabar berdi AlJazeera.
— Biz doimiy ravishda o‘t ochishni to‘xtatish va G‘azo sektoridan qo‘shinlarni to‘liq olib chiqishga olib keladigan kelishuvning bir qismi sifatida asirlar almashinuvining ikkinchi bosqichiga tayyormiz, — dedi Qosim.
Falastin guruhi Isroilning qurolsizlanish va G‘azo sektoridan chiqib ketish haqidagi chaqirig‘ini ham rad etdi.
— XAMASni (Isroil) G‘azo sektoridan siqib chiqarish psixologik urushdir, - deya qo‘shimcha qildi Qosim.
Qosim, shuningdek, guruhning navbatdagi almashinuv 22 fevral, shanba kuni ozod qilinadigan mahbuslar sonini 3 tadan oltitaga oshirish qarorini tushuntirdi. Bu qarorni XAMAS yetakchisi Xalil al-Hayya kelishuvning ikkinchi bosqichini tezlashtirish maqsadida bir kun avval e’lon qilgan edi.
— Ozod etiladigan mahbuslar sonini ikki baravar oshirish kelishuvning barcha shartlarini bajarishdagi jiddiyligimizni namoyish qilish uchun qilingan, — dedi Qosim.
O‘tgan hafta XAMAS Isroilning ko‘chma uylar va jihozlarni olib kirishga ruxsat bermagani, shuningdek, kelishuvning boshqa buzilishi, jumladan, falastinliklarga hujumlar sodir etgani sabab, ozod qilishni kechiktirish bilan tahdid qilgan edi.
Dahshat! Vafot etgan 88 yoshli ayol tobutda hushiga keldi
Zelenskiy Klichkoning so‘zlaridan so‘ng jiddiy ogohlantirish yubordi
BAA bosh murabbiyi muxlislarga murojaat bilan chiqdi
