XAMAS AQShning “G‘azodagi gumanitar vaziyatni yaxshilash bo‘yicha ko‘rilayotgan chora-tadbirlar” haqidagi bayonotlarini qoraladi va Vashingtonni 2023 yil 7 oktyabrdan beri davom etayotgan “genosid va etnik tozalash urushi”ga sheriklikda aybladi.
HAMAS bayonotida, AQSh ma’muriyati yordam berishni da’vo qilishini, lekin aslida falastinliklarga qarshi qaratilgan harakatlarni qo‘llab-quvvatlashini aytdi: "Biz Vashingtonning G‘azodagi gumanitar vaziyatni yaxshilash uchun choralar ko‘rayotgani haqidagi bayonotlarini qoralaymiz". Hamas bu kabi bayonotlarni "Prezident Jo Bayden ma’muriyatining G‘azodagi shafqasiz qirg‘in urushi, shimolda 38 kundan beri davom etayotgan etnik tozalash va ocharchilik operasiyasini to‘liq qo‘llab-quvvatlaganining tasdig‘i" deb ta’rifladi.
Xamasning qayd etishicha, BMT agentliklari va xalqaro inson huquqlari va insonparvarlik tashkilotlari hisobotlari AQShning "Isroil bosqinchi hukumatiga siyosiy va harbiy himoyani ta’minlash va tinch aholini himoya qilish uchun xalqaro huquqiy hujjatlarni blokirovka qilish orqali hujumlarni davom ettirish uchun ko‘proq imkoniyatlarni taqdim etish" haqidagi da’volarini rad etadi.
Avvalroq AQSh Davlat departamenti matbuot kotibi o‘rinbosari Vedant Patel G‘azodagi gumanitar vaziyatni yaxshilash uchun avval belgilangan 30 kunlik muddat tugaganiga qaramay, Isroilga qarshi sanksiyalar nazarda tutilmaganini ma’lum qilgandi.
«Qiyomat muzligi» kutilganidan tezroq xavf sola boshladi
Er yuzining eng go‘zal ayoli aniqlandi
Afg‘oniston varianti Ukraina uchun mos deb topildi
