Xalqaro valyuta jamg‘armasi Tramp tariflari tufayli global o‘sish prognozini pasaytirishi mumkin

Xalqaro valyuta jamg‘armasi AQSh prezidenti Donald Tramp ma’muriyati tomonidan joriy qilingan savdo tariflari tufayli global iqtisodiy o‘sish prognozini pasaytirishi mumkin. Bunday prognoz Bloomberg agentligi tomonidan e’lon qilindi.

Agentlikning ta’kidlashicha, jahon iqtisodiyoti optimistik bo‘lmagan ssenariyga duch kelmoqda. U tez orada AQShning tarif siyosati qo‘zg‘atgan to‘lqinning birinchi zarbalarini boshdan kechiradi. Bloombergning fikricha, XVJ kelgusi seshanba kuniyoq global prognoz yomonlashganini e’lon qilishi mumkin.

2 aprel kuni Donald Tramp 185 mamlakat va hudud mahsulotlariga bojxona to‘lovlari joriy etilishini e’lon qildi. 10 foizlik universal tariflar 5 apreldan, individual tariflar 9 apreldan kuchga kirdi. Shu bilan birga, 9 aprel kuni Tramp bir qator mamlakatlar va hududlarga nisbatan o‘zaro asosda joriy qilingan qo‘shimcha import bojlarini 90 kunga to‘xtatib turishini ma’lum qildi. Oq uy pauza savdo muzokaralari bilan bog‘liqligini tushuntirdi. Ushbu davr mobaynida 10% lik universal tarif amal qiladi.