Ma’lumotlarga ko‘ra, samolyot bortida 60 nafar yo‘lovchi va 4 nafar ekipaj a’zosi bo‘lgan. Samolyot bilan to‘qnashgan vertolyotda esa 3 kishi bo‘lgan.
AQSh figurali uchish federasiyasi Vashingtonda halokatga uchragan samolyot bortida sportchilar ham bo‘lganini ma’lum qildi. Biroq ularning ismlari va boshqa tafsilotlar oshkor etilmadi.
American Airlines samolyotining qulashi AQShdagi eng yirik aviahalokatlardan biri bo‘lishi mumkin. 2009 yilda Colgan Air aviakompaniyasining samolyoti Nyu-Yorkda qulab tushgan edi. O‘shanda bortdagi 49 kishi va yerda yana bir odam halok bo‘lgan.
