Vashington Moskvaga qarshi "tajovuzkor sanksiyalar" kiritadimi?

AQSh prezidenti Donald Tramp Rossiya va shaxsan Rossiya prezidenti Vladimir Putinning harakatlaridan norozi . Bu haqda Fox News jurnalisti Jeki Geynrix muzokaralar borishidan xabardor manbaga tayanib xabar berdi.

Uning so‘zlariga ko‘ra, Oq uy cheklovlarni chetlab o‘tib, neftni tashuvchi Rossiyaning "soya floti"ga qarshi "agressiv sanksiyalardan foydalanish" imkoniyatini muhokama qilmoqda .

"Sanksiyalarni qo‘llash hozirda juda zaif, 10 balldan 3 ball bilan baholanmoqda", deb yozadi Geynrix. Uning qo‘shimcha qilishicha, Boltiqbo‘yi orqali noqonuniy ta’minotni ushlab qolish Moskvaga bosim o‘tkazish uchun “oson nishonga” aylanishi mumkin.

Oq uy matbuot kotibi Kerolin Leavitt Trampning Putindan ham, Ukraina prezidenti Vladimir Zelenskiydan ham ko‘ngli qolganini tasdiqladi.

"Tramp ikkala yetakchidan hafsalasi pir bo‘ldi. U urush tugashini istaydi. Ikki tomondan odamlar o‘lmoqda va bu juda uzoq davom etmoqda", - dedi Levitt.

Uning qo‘shimcha qilishicha, Qo‘shma Shtatlar Rossiya va Ukraina bilan aloqalarni davom ettirmoqda. Tramp yechim topish jarayonida “har kuni faol ishtirok etmoqda”, dedi u.

Avvalroq, 30-mart kuni Tramp agar Moskva o‘t ochishni to‘xtatish kelishuvini buzsa, Rossiya neft eksportiga 25 foizlik ikkilamchi bojlar joriy etishi haqida ogohlantirgan edi.

U, shuningdek, Putinning Zelenskiyning qonuniyligiga shubha tug‘diruvchi bayonotlaridan noroziligini bildirdi. Trampning so‘zlariga ko‘ra, bunday chiqishlar “noto‘g‘ri yo‘lga olib boradi”.