O‘zbekistonning Isroildagi elchixonasi Isroilda yashayotgan O‘zbekiston fuqarolariga murojaat bilan chiqdi

Isroildagi mavjud xavfsizlik vaziyati munosabati bilan O‘zbekiston elchixonasi yana bir bor quyidagi ehtiyot choralarini ko‘rishni qat’iy tavsiya qildi:

1. Isroilning ayrim hududlariga borishdan saqlanish.

2. Isroil hukumati va O‘zbekiston elchixonasi rasmiy xabarlarini kuzatib borish. Isroil frontorti qo‘mondonligidan bildirishnomalar va ogohlantirishlar (Home Front Command) mobil ilovasi yoki veb-sayti havolasini telefonga o‘rnatish.

3. Shaxsingizni tasdiqlovchi hujjatlar va O‘zbekiston elchixonasining aloqa ma’lumotlarini doimo o‘zingiz bilan olib yuring. Favqulodda vaziyatlarda bu sizga tezroq yordam olishga qo‘l keladi.

4. Imkon qadar ommaviy yig‘ilishlar joyini chetlab o‘ting va jamoat joylariga tashrif buyurmang.

Agar sizga shoshilinch yordam yoki maslahat kerak bo‘lsa, O‘zbekistonning Isroildagi elchixonasiga quyidagi telefonlar orqali murojaat qiling:

Favqulodda yordam telefonlari:

03-672-2466
03-672-2371
03-758-5075
03-758-5076

Favqulodda va shoshilinch xabarlar uchun:

054 485 1397

Elektron pochta: il.uzembassy@mfa.uz