O‘zbekistondagi qariyb 2100 ta jome masjidda Ramazon hayiti namozi o‘qildi — foto

O‘zbekiston musulmonlari idorasi raisi Hayit namozini ado etish maqsadida Toshkentdagi “Rakat” jomesiga bordi.

Bugun erta tongdan O‘zbekistondagi qariyb 2100 ta jome masjidda Ramazon hayiti namozi o‘qildi, deya xabar berdi O‘zbekiston musulmonlari idorasi matbuot xizmati.

O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Hayit namozini ado etish va mo‘min-musulmonlarni ulug‘ bayram bilan muborakbod etish maqsadida Toshkent shahridagi “Rakat” jomesiga bordi.

Dastlab bomdod namozi o‘qilib, xayrli duolar qilindi. So‘ngra Muftiy masjidga yig‘ilgan barcha mo‘min-musulmonlarni muborak bayram bilan qutladi.

Eslatib o‘tamiz, O‘zbekiston masjidlarida 30 mart – yakshanba kuni Ramazon hayiti namozi o‘qildi.