“Tekshiruvlarni elektron ro‘yxatga olish yagona tizimini yuritish tartibi to‘g‘risidagi nizomni tasdiqlash to‘g‘risidagi” idoralararo qaror loyihasi muhokamaga qo‘yildi, deya xabar bermoqda Sputnik nashri.
Tekshiruvlarni elektron ro‘yxatga olish yagona tizimiga nazorat qiluvchi organlar tomonidan tadbirkorlik sub’ektlari faoliyatida o‘tkaziladigan tekshiruvlarni kelishish va o‘tkazish uchun Bosh prokuratura, Qoraqalpog‘iston Respublikasi, viloyatlar va Toshkent shahar prokuraturalariga yuborilgan buyurtma, shuningdek, tekshiruv to‘g‘risida ma’lumotlar, monitoring va tadbirkorlik sub’ektlari faoliyatida aniqlangan qonunbuzishlarni bartaraf qilish bo‘yicha qabul qilingan chora-tadbirlar kiritiladi.
Yagona tizimda ro‘yxatdan o‘tkazishni tasdiqlash bir ish kuni davomida amalga oshiriladi. Nazorat qiluvchi organning mas’ul xodimi Yagona tizimda bir marotaba ro‘yxatdan o‘tkaziladi.
“O‘tkazilgan tekshiruv natijalari bo‘yicha tuzilgan dalolatnomada qayd etilgan qonun buzilishi holatlari to‘g‘risidagi ma’lumotlar tekshiruv yakunlangandan so‘ng uch ish kuni ichida, tadbirkorlik sub’ektiga nisbatan qo‘llanilgan ta’sir choralari to‘g‘risidagi ma’lumotlar (yozma ko‘rsatma, ma’muriy huquqbuzarlik to‘g‘risida bayonnoma, moliyaviy va iqtisodiy jarimalarni qo‘llash to‘g‘risida qarorlar, sud qarorlari va boshqalar) mazkur choralar qo‘llanilgandan so‘ng uch ish kunidan kechiktirmasdan nazorat qiluvchi organ tomonidan Yagona tizimga kiritilishi shart”, - deyilgan qaror loyihasida.
Loyihada tadbirkorlik sub’ekti o‘z so‘roviga ko‘ra o‘tkazilayotgan tekshiruv haqidagi axborotni Yagona tizimdan qisqa xabar (SMS) ko‘rinishida va real vaqt rejimida Internet tarmog‘i orqali olishi mumkinligi nazarda tutilgan.
Ushbu loyihaning muhokamasi 27 noyabrgacha yakunlanadi.
Manba: azon. uz
Alisher Qodirov Rossiya Davlat dumasi spikeriga javob qaytardi
Toshkentda 22 yoshli yigit BYD’da YPX xodimini qasddan urib ketdi
Nursulton Ro‘ziboyev: “Sizlardan uzr so‘ramayman. Yutqazganimga xursandman” (VIDEO)
