O‘zbekiston va Qozog‘iston yaqin yillarda tovar ayirboshlash hajmini 10 milliard dollarga yetkazish maqsadida to‘liq erkin savdo rejimiga o‘tishni rejalashtirmoqda.
Dunyodagi geosiyosiy va tez o‘zgarib borayotgan vaziyatni hisobga olib, o‘zaro hamkorlikni yanada mustahkamlash alohida ahamiyat kasb etishi ta’kidlandi.
«Bundan kelib chiqib, mavjud zaxiralardan samarali foydalangan holda yaqin yillarda o‘zaro tovar ayirboshlash hajmini 10 milliard dollarga yetkazish zarur. Buning uchun uchinchi davlatlardan import o‘rnini bosish va to‘liq erkin savdo rejimiga o‘tish bo‘yicha tizimli ishlarni kuchaytirish zarur», dedi O‘zbekiston bosh vaziri Abdulla Aripov.
