O‘zbekiston U-23 terma jamoasi sardori jarohat oldi

Belgiyaning “Antverpen” klubi sharafini himoya qilayotgan Muhammadali O‘rinboyev kecha “Vesterlo” jamoasiga qarshi o‘yinda zaxiradan maydonga tushdi.

O‘yin yakunlangach, uning eski jarohati bezovta qilgani sabab, jamoaning tibbiy va jismoniy tayyorgarlik bo‘yicha mutaxassislarining so‘roviga binoan O‘rinboyevning tiklanish jarayonlari o‘z klubida davom ettirilishi borasida qaror qabul qilindi.

Shu boisdan uning o‘rniga “Olimpik Mobiuz” futbolchisi Muhammedali Reimov yig‘inga jalb etildi.

Eslatib o‘tamiz, Ravshan Haydarov boshqaruvidagi jamoamiz 3-9 sentyabr kunlari U-23 Osiyo kubogi saralash bahslarida ishtirok etadi va Shri-Lanka, Qirg‘iz Respublikasi hamda Falastinga qarshi bahs olib boradi.