O‘zbekiston tashqi ishlar vaziri Baxtiyor Saidov Sergey Lavrov bilan uchrashdi

Toshkent shahri Uchtepa tumanidagi maktabda rus tili fani o‘qituvchisi o‘quvchisini kaltaklagan holati ijtimoiy tarmoqlarda jiddiy muhokamalarga sabab bo‘lgandi.

Holat yuzasidan Rossiya rasmiylari ham izoh bildirib, voqeani "rusofoblik", deya izohlashdi. Jumladan, Xalqaro jinoiy sud hibsga olishga order bergan Rossiya Federasiyasi Bolalar ombudsmani Mariya Lvova-Belova ham "himoya"ga otlangan.

Uning aytishicha, bu masalada uning idorasi O‘zbekistondagi Bolalar huquqlari bo‘yicha vakil Surayyo Rahmonova bilan aloqada.

Deputat Alisher Qodirov esa mazkur chiqishlarni "tekis joyda to‘polon chiqarish"ga mengzagan.

Kuni kecha O‘zbekiston TIV Baxtiyor Saidov RF TIV Sergey Lavrov bilan uchrashdi.

Baxtiyor Saidovga ko‘ra, uchrashuv kun tartibi keng qamrovli bo‘lgan va unda O‘zaro ishonchni mustahkamlash yo‘lida davlatlar bir-birlarining ichki ishlariga aralashmaslik tamoyiliga amal qilish muhimligi ta’kidlangan.