O‘zbekiston respublika valyuta birjasi Bosh direktori Rashid Usmanov Qirg‘iziston fond birjasi (QFB) rahbarlari bilan uchrashuv o‘tkazdi.
Uchrashuv davomida O‘zRVB va QFB o‘rtasidagi hamkorlikning turli yo‘nalishlari, jumladan, valyuta bozori va davlat qimmatli qog‘ozlar bozorini rivojlantirish bo‘yicha tajriba almashish, shuningdek, savdo va dasturiy komplekslarni rivojlantirish masalalari muhokama qilindi.
Mehmonlar O‘zRVB tomonidan birja infratuzilmasini takomillashtirish, savdo-kliring va depozitariy tizimlarini modernizasiya qilish bo‘yicha olib borilayotgan ishlarni yuqori baholab, ushbu sohada O‘zRVB tajribasini joriy etishga qiziqish bildirdi.
