Mahmudxo‘jayev Furqat Sidiqxo‘jayevich O‘zbekiston mahallalar uyushmasi Toshkent shahar boshqarmasi boshlig‘i lavozimiga tayinlandi.
Uzoq yillar davomida davlat va jamiyat boshqaruvi tizimida samarali faoliyat yuritib kelgan Mahmudxo‘jayev Furqat Sidiqxo‘jayevich ushbu lavozimda ish boshladi.
Furqat Mahmudxo‘jayev 1965 yilda Toshkent shahrida tug‘ilgan. 1989 yil Toshkent davlat texnika universitetini tugatgan.
Ko‘p yillar davomida Toshkent shahar Mahallalar kengashi boshqaruvi raisi bo‘lib ishlagan. Shuningdek Toshkent shahar hokimligi Matbuot xizmati rahbari - matbuot kotibi, hokimning axborot siyosati masalalari bo‘yicha maslahatchisi lavozimida samarali faoliyat yuritgan.
