«O‘qituvchi o‘quvchini urib, burnini qonatdi»: Bolalar ombudsmani holatni o‘rganmoqda

Ijtimoiy tarmoqlarda «O‘qituvchi o‘quvchini urib, burnini qonatdi» sarlavhasi ostida xabar tarqaldi.

Bolalar ombudsmani mazkur holatni o‘rganmoqda❕

🖇 Olib borilgan tergovga qadar tekshiruv davomida aniqlanishicha, joriy yilning 9 oktyabr kuni Qashqadaryo viloyati Shaxrisabz tumanidagi 33-sonli umumta’lim maktabining ingliz tili o‘qituvchisi 5-sinf o‘quvchisi (2013 yilda tug‘ilgan o‘g‘il bola) M.P.ning sinfdoshlariga go‘yoki noo‘rin gaplarini aytganini eshitib, bolaning yuziga urgan.

Voyaga yetmagan M.P. tibbiy ko‘rikdan o‘tkazilib, unda quloq, burun va yuz sohasida jarohat aniqlangan.

Hozirda holat yuzasidan tergovga qadar tekshiruv harakatlari olib borilmoqda.
Bu borada qo‘shimcha ravishda axborot beriladi.